Onsdag 16.mars kl.19 i Myrbostad kyrkje
Marit O Kaldhol, foredrag. Stephanie Lippert, vokal. Bjørnar Myhr, piano. Hallvard Braaten Steinhovden, cello
Billetter kr.150, kjøpes på myrbostadkyrkje.hoopla.no (+kr.20,- gebyr) vipps og kontant ved inngang
Konsert- og foredragsturné om Lina Sandell:
Under Modersvingen
Møre Bispedømme i samarbeid med Borgund sokn sender denne våren ut tilbod til kyrkjelydane i heile bispedømmet om ein kombinert konsert- og foredragsturné.
Bispedømmet ønskjer med dette å løfte fram salmetradisjonen som ein vesentleg del av kyrkja sitt kulturuttrykk, forkynning og samværsform.
Utgangspunktet for turneen er forfattarskapen til Lina Sandell (1832-1903) og det dramatiske livet ho levde i ei tid med store endringar både i samfunn og religiøst liv.
Salmane til Lina Sandell har fått stor utbreiing og blir stadig brukte i heile Norden. Mange vil kjenne salmeskatten ho etterlét seg, medan færre vil ha innsikt i bakgrunnen for at ho kunne dikte slik ho gjorde.
Forfattar Marit O Kaldhol vil i foredraget sjå nærare på oppvekst, vaksenliv og dominerande retningar i tida som påverka Lina Sandell, i tillegg til skilsetjande hendingar i diktarens private liv.
Spørsmål som blir undersøkte, er: Kva gjorde tekstane så slitesterke? Kva var årsak til at tekstane blei utsette for sensur? Var Lina Sandell pietist eller feminist?
Pianist og komponist Bjørnar Myhr har musikalsk ansvar for prosjektet. Med utgangspunkt i kjente Sandell-salmar som Blott en dag, Modersvingen, Bred dina vida vingar, m.fl. presenterer han arrangement der han har vidareutvikla dei kjente songane med nyskrivne for- mellom- og etterspel. Gjennom bruk av eigne harmoniseringar, rytmiske val og instrumentering varierer og fornyar han salmane som vil bli presenterte.
Med seg til å framføre musikken har han Hallvard Braaten Steinhovden, cello,
og Stephanie Lippert, vokal, som syng dei svenske originaltekstane.
Konsert- og foredragsdelane er fletta saman i ein heilskap som gir eit nærbilde i ord og tonar
av Lina Sandell og tida ho levde i.
Framføringar:
Borgund kyrkje søndag 13. mars.
Myrbostad kyrkje onsdag 16. mars
Ulsteinvik kyrkje torsdag 17. mars
Vestnes kyrkje fredag 18. mars
Tingvoll kyrkje onsdag 23. mars
Informasjon om dei medverkande:
Stephanie Lippert, vokal.
Mezzosopran/visesongar frå Sverige, utdanning frå Operaakademiet i København. Frilans operasongar med roller i Norge, Danmark og Sverige og mange års erfaring som konsertsolist og kyrkjesongar, m.a. i gravferder og bryllaup i Norge.
Busett i Tomrefjord sidan 2020, starta der Djupvik Songformidling.
Bjørnar Myhr, piano, arr.
Klassisk pianist frå Musikk-konservatoriet i Trondheim, Fylkesmusikar i Møre & Romsdal i 25 år, i dag tilsett ved Ålesund vgs., Musikklinja, og
Ålesund Kulturskole/Fargespill Ålesund. Aktiv utøvar og arrangør, samarbeid med Ålesund Symfoniorkester, Brass Brothers m.fl. innan klassisk, jazz, salmar og fado.
Hallvard Braaten Steinhovden, cello.
Cellist med utdanning frå Trondheim/Århus og Tromsø, frilans, solooppdrag for m.a. Arktisk Filharmoni og Ålesund Symfoniorkester, aktiv kammermusikar med div. samarbeid, plateprosjekt og turnéar på tvers av sjangrar. Frå 2021 festivalsjef for Fjord Cadenza.
Marit O Kaldhol, forfattar.
Har gitt ut ei rekke poesi- og prosabøker for barn, ungdom og vaksne, har mottatt nasjonale og internasjonale litteraturprisar. Div. samarbeidsprosjekt